O proxecto Formularios procesuais en lingua galega foi emprendido por unha rede de profesionais adscritos ao Colexio de Avogados de Santiago de Compostela no ano 2008. Nace coa intención de fornecer modelos documentais empregados acotío no exercicio profesional da avogacía. Agardamos que poidan ser de utilidade para outros profesionais neste eido, nomeadamente nos primeiros momentos do seu desenvolvemento como avogados e avogadas.

A iniciativa, que conta cun marcado carácter participativo e integrador, atende tamén o compromiso dinamizador do noso idioma no ámbito xurídico. Por iso, agardamos que sirva de estímulo para seguir normalizando o seu uso nos xulgados galegos.