Colexio de Avogados de Santiago

Servizo de atención ao consumidor ou usuario

Carlos — 2013-03-14T08:47:39Z

Formulario de queixa

Modelo de Queixa

Normativa aplicable

Consonte a Lei 25/2009, do 22 de decembro, de modificación de diversas leis para a súa adaptación á Lei sobre libre acceso ás actividades de servizos e o seu exercicio, así como a actual redacción da Lei de colexios profesionais do 15.02.1974, os colexios profesionais deben contar cun servizo de atención aos colexiados e aos consumidores ou usuarios.

Lei de colexios profesionais do 15.02.1974
Lei 11/2001, do 18 de setembro, de colexios profesionais da Comunidade Autónoma de Galicia
Estatuto xeral da avogacía española, aprobado polo Real decreto 658/2001 do 22 de xuño
Regulamento de procedemento disciplinario, do 27 de febreiro de 2009
Código deontolóxico do 27.11.2002
Lei 30/1992, do 26 de novembro, de réxime xurídico das administracións públicas e do procedemento administrativo común

Xurisprudencia respecto das “follas de reclamacións” (non obrigatorias en colexios de avogados e despachos)

Sentenza 330/2011, do 29.06.2011, do Xulgado Contencioso Administrativo núm. 2 de Xaén
Sentenza 76/2003, do 10.09.2003, do Xulgado Contencioso Administrativo núm. 2 de Alacante

Presentación

No rexistro de entrada do Colexio de Avogados de Santiago de Compostela (rúa de Eduardo Pondal, 4)
Por correo postal, dirixido a: Colexio de Avogados de Santiago de Compostela, rúa de Eduardo Pondal, 4, 15702 Santiago de Compostela, A Coruña
Por fax: 981 581 132
Por correo electrónico: icas@icasantiago.org

Tramitación

Unha vez presentado o escrito de queixa, este é elevado á xunta de goberno do colexio de avogados (que se reúne cada 15 días). A xunta de goberno, logo de examinar a queixa, pode acordar o seguinte:

1 O seu arquivo (parágrafo 3 do artigo 6.1 do Regulamento disciplinario). No caso de considerar que a denuncia carece manifestamente de contido deontolóxico ou é inverosímil ou non ten fundamento.

2 A apertura de dilixencias de información previa (artigo 7 do Regulamento disciplinario). Neste caso dáselle traslado do escrito de queixa ao letrado/a denunciado/a para que no prazo de 10 días poida presentar alegacións. Así mesmo, noméase un relator/a de entre os membros da xunta de goberno.

Tras recibir as alegacións do letrado/a, poderá acordarse:

arquivo das dilixencias de información previa;
ou a apertura dun expediente disciplinario.

3 Remitilo ao colexio de avogados competente. Se se trata de actuacións realizadas ante xulgados que non pertencen ao ámbito territorial do colexio de avogados ante o que se presenta a queixa.

Todos estes acordos seranlle comunicados por escrito á persoa denunciante.

Información

2012-01-05T09:46:13Z

Asistencia xurídica gratuíta (AXG)

Atención ao cidadán
En que consiste a Asistencia Xurídica Gratuíta
Que cidadáns teñen dereito a AXG?
Recoñecemento excepcional
Como solicitala?
Onde presentar a solicitude?

Trámites
Pretensión insostible
Prestacións
Recursos
Ámbito de aplicación
Suspensión do curso do proceso

Atención ao cidadán

Se carece de bens suficientes para iniciar un xuízo ou para defenderse nun procedemento iniciado contra vostede, informámolo a continuación dos requisitos e pasos que debe seguir para acceder á xustiza gratuíta.

Inicio

En que consiste a Asistencia Xurídica Gratuíta (AXG)?

É o conxunto de prestacións necesarias para intervir no procedemento xudicial (aboamento de honorarios de avogado e dereitos de procurador, asesoramento xurídico gratuíto, etc.) que garanten o dereito á xustiza gratuíta respecto dos/as cidadáns/ás que acrediten insuficiencia de recursos económicos para litigar, é dicir, para acudir a xuízo en defensa dun dereito ou interese lexítimo.

Inicio

Que cidadáns teñen dereito a AXG?

Os cidadáns nacionais ou estranxeiros con residencia legal en España cuns recursos e ingresos económicos computados, como regra xeral, anualmente por todos os conceptos e por unidade familiar, que non superen o dobre do salario mínimo interprofesional vixente no momento de facer a solicitude.
Os estranxeiros sen residencia legal en España que acrediten insuficiencia de recursos no proceso penal e nos procesos relativos á solicitude de asilo e nos procedementos administrativos e xudiciais que poidan levar á denegación da súa entrada, devolución ou expulsión do territorio español.
Os traballadores e os beneficiarios do sistema de Seguridade Social na xurisdición social.

O salario mínimo interprofesional fíxao anualmente o Goberno.

Para comprobar que o/a solicitante non ten recursos suficientes valoranranse:

As rendas e outros bens patrimoniais ou circunstancias que se declaren.
Os signos externos que manifesten a súa capacidade económica real e indiquen se dispón de medios económicos suficientes (por exemplo: tipo de vivenda, coche, bens de luxo e de recreo, ingresos importantes non declarados, propiedade de bens inmobles de valor suficiente, etc.).

(Ser propietario da vivenda na que se reside habitualmente non empedirá o recoñecemento deste dereito, sempre que non sexa luxosa.)

Inicio

Recoñecemento excepcional

Ás persoas cuns recursos e ingresos que superen o dobre do salario mínimo interprofesional pero que non excedan do cuádruplo do devandito salario en atención ás circunstancias familiares, nº de fillos ou familiares ao seu cargo, estado de saúde, obrigas económicas, custos derivados da iniciación do proceso ou outras de análoga natureza.

Nestes casos, a Comisión de Asistencia Xurídica Gratuíta determinará expresamente os beneficios e en que proporción lle son aplicados ao solicitante.

Insuficiencia económica sobrevida.

Se durante a tramitación do procedemento diminúen os seus recursos ou ingresos económicos, situándose dentro dos límites fixados na lei antes indicados para beneficiarse da xustiza gratuíta, deberá dirixirse á Comisión de Asistencia Xurídica Gratuíta para expoñer tal circunstancia, xunto coa solicitude de Xustiza Gratuíta.

A AXG só se lles poderá recoñecer aos que litiguen en defensa de dereitos ou intereses propios.

Inicio

Como solicitala?

Mediante o modelo de solicitude que pode obter nos servizos de orientación xurídica dos colexios de avogados, nos xulgados e xerencias territoriais do Ministerio de Xustiza ou dependencias das administracións autonómicas con competencias na materia, ou delegacións de goberno ou gobernos civís.

Con esta solicitude deberá achegarse unha fotocopia do DNI ou pasaporte, ou tarxeta de residencia en caso de ser estranxeiro, e os documentos acreditativos dos ingresos e bens que xustifiquen o seu dereito a percibir a Asistencia Xurídica Gratuíta que se detallan no impreso.

Inicio

Onde presentar a solicitude?

Nos servizos de orientación xurídica do colexio de avogados do lugar en que se encontre o xulgado ou tribunal que tramite o procedemento que solicita.
Ante o xulgado do domicilio do solicitante, se o proceso non se iniciou. Neste caso, o xulgado fará traslado da petición ao colexio de avogados que corresponda.

Se no prazo de quince días non se dita resolución sobre a súa solicitude, pode reiterala.

Inicio

Trámites

A súa tramitación e resolución correspóndelle á Comisión de Xustiza Gratuíta.

Os servizos de orientación xurídica dos colexios de avogados examinarán a documentación presentada e, se fose insuficiente ou se se apreciasen defectos na solicitude, concederáselle ao solicitante un prazo de 10 días para emendalos. Se non se emendan, arquivarase a petición.
Unha vez dmitida a solicitude, o colexio de avogados designará provisionalmente un avogado e, se fose preceptiva a intervención de procurador, comunicarao ao colexio de procuradores para que nos tres días seguintes o designe.
Unha vez efectuadas as comprobacións pertinentes e solicitadas as informacións que considere necesarias para verificar a exactitude e realidade dos datos declarados polo solicitante, a Comisión de Asistencia Xurídica Gratuíta dita unha resolución pola que recoñece ou denega o dereito á Asistencia Xurídica Gratuíta.
Se se lle recoñece o dereito: confirma os nomeamentos provisionais de avogado e procurador ou comunícalles aos respectivos colexios profesionais a devandita resolución para o seu nomeamento .
Se non se lle recoñece o dereito: déixanse sen efectos as designacións provisionais e o solicitante deberá designar avogado e procurador da súa libre elección e deberá aboar os honorarios e dereitos xerados ata ese momento.

Inicio

Pretensión insostible

Se o/a avogado/a designado/a para a defensa considera que o preito ou causa que o cidadán pretende iniciar é insostible, é dicir, non ten defensa posible ante os tribunais, iniciarase un procedemento ante a Comisión de Asistencia Xurídica Gratuíta con intervención do/a fiscal e do colexio de avogados para determinar:

Se se nomea un novo avogado que estará obrigado a defendelo.

Ou se se denega a prestación por insostibilidade da pretensión.

Prestacións

Asesoremento e orientación ao detido ou preso que non o designase.

Asistencia de avogado ao detido ou preso que non o designase.

Defensa e representación gratuítas por avogado e procurador no procedemento xudicial cando:

A súa intervención sexa preceptiva.
Non o sendo, sexa expresamente requirida polo xulgado ou tribunal mediante auto para garantir a igualdade das partes no proceso.

Inserción gratuíta de anuncios ou edictos en xornais oficiais.

Asistencia pericial gratuíta.

Obtención gratuíta de copias, testemuños, instrumentos e actas notariais.

Redución do custo para a obtención de escrituras e documentos notariais e daqueles documentos emanados dos rexistros públicos que precisen as partes no proceso.

Exención do pagamento de depósitos necesarios para a interposición de recursos.

Inicio

Recursos

A resolución, tanto se recoñece o dereito como se o denega, poderá ser impugnada:

Por escrito motivado (expoñendo as razóns ou motivos).
No prazo de cinco días desde a notificación.
Non se precisa a intervención de avogado/a.
Ante o/a secretario/a da Comisión de Asistencia Xurídica Gratuíta.
O escrito e o expediente remítense ao xulgado ou tribunal, que:

Citarao para unha comparecencia na que se lle oirá e practicará proba.
Ditará unha resolución que manterá ou revogará a resolución impugnada.

Contra esta resolución (auto) non cabe recurso.

Inicio

Ámbito de aplicación

A AXG esténdese a todos os trámites e incidencias en todo tipo de procesos, incluídos os recursos de amparo constitucional, así como a execución da sentenza e o asesoremento previo á iniciación do proceso.

O avogado e procurador designados para a súa asistencia e representación deberán desempeñar a súa función de forma real e efectiva durante o proceso ata o seu remate, incluídos, se é o caso, os trámites da execución da sentenza ou resolución que lle dea fin, sempre que os devanditos trámites teñan lugar dentro dos dous anos seguintes á resolución xudicial ditada en primeira instancia.

Se trancorrensen eses dous anos, deberá solicitar de novo a Asistencia Xurídica Gratuíta.

Inicio

Suspensión do curso do proceso

Co fin de garantir o dereito de defensa, o xuíz, por si mesmo ou por pedimento das partes, pode acordar a suspensión dos trámites do proceso ata que se lle nomee avogado e procurador de oficio ao solicitante da AXG.

Inicio

Servizo de orientación gratuíta

2012-01-05T09:46:10Z

Servizo de orientación xurídica (SOX)

Asistencia xurídica gratuíta (AXG)

O Servizo de Orientación Xurídica (SOX) do Colexio de Avogados de Santiago foi creado coa finalidade de asistir e asesorar a todos aqueles cidadáns que teñen dereito ao beneficio de Asistencia Xurídica Gratuíta (AXG), segundo o establecido na Lei 1/96 do 10 de xaneiro e polo Decreto 146/97 do 22 de maio, polo que se aproba o regulamento de asistencia xurídica gratuíta da CCAA de Galicia.

Este Servizo de Orientación Xurídica é atendido polo persoal administrativo do Colexio e por 8 avogados/as da Comisión de asistencia xurídica gratuíta e quenda de oficio.

As súas funcións son:

Informar aos/ás solicitantes da documentación e requisitos necesarios para poder solicitar o dito beneficio.
Recollida da solicitude e documentación.
Asesoramento ao/á solicitante para facilitarlle a tarefa de cubrir o formulario de solicitude.
Comprobar que a solicitude cumpre os requisitos esixidos pola lei.
Finalmente, se a pretensión é viable, o/a solicitante cumpre todos os requisitos esixidos e a comisión informa favorablemente, designarase un/unha avogado/a provisionalmente e remitirase o expediente á Comisión Provincial de Asistencia Xurídica Gratuíta para a súa aprobación definitiva.

Trámites que se deben seguir:

Entrega da solicitude e documentación requiridas.
Entrevista cos letrados do SOX.
Designación provisional de letrado ou denegación.
Remisión do expediente á Comisión Provincial (AXG).
Recoñecemento do beneficio de asistencia xurídica gratuíta pola Comisión Provincial ou denegación.
No caso de denegación pódese recorrer no prazo de 5 días ante a dita Comisión Provincial.

Documentación e requisitos esixidos:

a) Requisitos Económicos.

Ter uns ingresos brutos anuais inferiores á cantidade de 13.414 EUR.

b) Documentos que se deben acompañar á solicitude de Asistencia Xurídica Gratuíta.

Fotocopia da declaración da renda do último ano ou, de ser o caso, certificación negativa acreditativa que expide a Delegación de Facenda.
Certificación de Facenda sobre a Declaración do Patrimonio.
Certificación do Concello do Catastro.
Certificación do Concello do Imposto de Actividades Econcómicas (IAE).
Fotocopia do recibo de aluger.
Fotocopia do libro de familia
Nómina do último mes ou certificación do INEM acreditativa de estar en situación de desemprego ou de percepción de prestacións, de ser o caso.
No caso de pensionistas, certificación do INSS das prestacións que percibe.
Declaración xurada de ingresos (en caso de non ter nómina).
Informe de Vida Laboral que expide a Tesourería da Seguridade Social.
Sentenza de separación ou divorcio e convenio regulador, en caso de que solicite avogado/a para o divorcio ou separación.
Fotocopia do DNI.

Horarios: