Colexio de Avogados de Santiago

ASESORAMENTO

Carlos — 2009-11-10T10:19:28Z

O servizo de asesoramento lingüístico préstalles a todos os colexiados e colexiadas os servizos de corrección, tradución e resolución de consultas referidas a cuestións relacionadas coa lingua galega.

Servizos

Corrección e supervisión de todo tipo de documentación. A revisión dos textos aterase sempre ás normas ortográficas e morfolóxicas oficiais e vixentes na actualidade para o idioma (texto das Normas aprobado en xullo de 2003). Tras a fase de normativización do texto tamén se prestará atención especial ao coidado doutros parámetros, como poden ser: a mellora da redacción e do estilo, a correcta organización dos contidos, a disposición e deseño formais do documento, etc.

Tradución. En principio, as traducións que se levarán a cabo serán literais sobre o texto que se presente. De considerar que é necesario realizar cambios relevantes en beneficio da calidade final do texto, estes serán consultados previamente coa persoa demandante deste servizo.

Atención de consultas relacionadas co galego. Primeiramente, preténdese ofrecer un servizo de asesoramento continuado sobre dúbidas de carácter lingüístico (fonéticas, ortográficas, morfolóxicas, gramaticais…) e terminolóxico que poidan xurdir de xeito puntual. Ademais do asesoramento estritamente lingüístico tratarase de fornecer ao/á colexiado/a da información que requira sobre outras cuestións relacionadas coa lingua galega: dereitos lingüísticos, toponimia, sociolingüística, recursos e materiais sobre a lingua, etc.

Funcionamento

Para os servizos de corrección e tradución, o/a usuario/a pode achegar a documentación por calquera dos medios de contacto. Na procura dun mellor control e funcionamento esta debe ir acompañada dunha pequena solicitude onde figuren os seus datos colexiais e as observacións que considere oportunas. Unha vez que estea rematado o traballo solicitado, este seralle devolto polo mesmo medio ou polo que se considere máis axeitado no seu momento.

Os textos hanse remitir, preferentemente, en soporte electrónico (con formato .doc ou .txt) para optimizar o tempo de execución do traballo e tamén a súa calidade final.

En canto ás consultas, estas pódense presentar a través do formulario de consultas en liña que aparece nesta páxina, ou se non, a través dos medios anteriormente sinalados para o contacto. Serán respondidas polo mesmo medio ou polo que se considere máis axeitado no seu momento.

Os prazos para a execución de cada un destes servizos estarán suxeitos ao volume de traballo existente no momento da solicitude.

— Formularios procesuais en lingua galega

Carlos — 2009-11-10T10:18:28Z

- Servizo de Asesoramento Lingüístico

— Lexislación en galego

Carlos — 2009-10-27T11:14:01Z

- Servizo de Asesoramento Lingüístico

DINAMIZACIÓN

2009-10-27T11:13:22Z

O servizo de asesoramento lingüístico desenvolve diferentes actuacións dinamizadoras co fin de promover o uso da lingua galega no ámbito profesional da avogacía e da Xustiza en xeral.

III xornada "Xustiza e Lingua, reflexións para a normalización"

(Prazo de inscrición aberto)

	Información
	Nota de prensa
	Díptico
	Galería de imaxes

Campaña "Xustamente, en galego"

(2008-09)


	Deixa o teu motivo...
	Banner

II xornada "Xustiza e Lingua, reflexións para a normalización"

(2008)

	Información
	Nota sobre os certificados
	Díptico
	Galería de imaxes

Campaña "Avogamos polo galego"

(2007)

	Información
	Banner
	Tríptico
	Galería de imaxes
	Calendario 2008

Xornada "Xustiza e Lingua, reflexións para a normalización"

(2007)

	Información
	Díptico
	Boletín de inscrición
	Resumos das intervencións

"Fai xustiza coa lingua"

(2007)

Imaxe da campaña de fomento do uso do galego entre a avogacía, incluída no exemplar número 2 do mes de xullo da revista Avogacía Compostelá O servizo de asesoramento lingüístico desenvolve diferentes actuacións dinamizadoras co fin de promover o uso da lingua galega no ámbito profesional da avogacía e da Xustiza en xeral.

— III Xornada Xustiza e Lingua

Carlos — 2009-10-27T11:13:03Z

III xornada "Xustiza e Lingua, reflexións para a normalización"

(Prazo de inscrición aberto)

	Información
	Nota de prensa
	Díptico
	Galería de imaxes

— Avogacía Compostelá

Carlos — 2009-06-05T11:13:56Z

Como froito do seu compromiso coa promoción do idioma propio de Galicia, o Colexio de Avogados de Santiago de Compostela publica periodicamente a revista colexial Avogacía Compostelá, editada integramente en galego. Esta revista inclúe, dende o seu segundo número de xullo de 2007, un espazo dedicado á normalización da lingua galega denominado “Ao Pé da Letra”.

Número 8, maio 2010

A omisión da conxunción "que" e do artigo na linguaxe xurídica
Se falas galego por que non o escribes? Reflexión sobre os usos lingüísticos da avogacía galega

----

Número 7, outubro 2009

Unha xustiza máis xusta: O dereito a empregar a lingua propia na Administración de Xustiza
O uso das maiúsculas na documentación xudicial: os nomes das profesións e dos textos normativos

----

Número 6, xaneiro-marzo 2009

A linguaxe xurídica moderna: a precisión e a concisión nunha demanda
Entrevista a Luís M. García Mañá, xefe superior da Policía en Galicia

----

Número 5, setembro 2008

A Lingua Galega na praxe xurídica
Glosario de termos xurídicos dubidosos (castelán-galego)

----

Número 4, xaneiro-marzo 2008

Un traballo de todos
O xerundio: uso abusivo e principais usos incorrectos
Seminario de actualización e reciclaxe da lingua galega: principais modificacións introducidas no texto das normas no ano 2003

----

Número 3, outubro-decembro 2007

Presentación da campaña “Avogamos polo galego” e xornada “Xustiza e Lingua, reflexións para a normalización”
A linguaxe xurídica. Recomendacións básicas de redacción

----

Número 2, xullo 2007

Presentación da sección
Servizo de Asesoramento Lingüístico
Linguaxe xurídica e normalización

— Acordo sobre o uso do galego (30/04/2008)

Carlos — 2009-06-05T11:13:29Z

- Servizo de Asesoramento Lingüístico

FORMACIÓN

Carlos — 2009-06-05T11:12:14Z

O Servizo de Asesoramento Lingüístico do Colexio de Avogados de Santiago de Compostela é o encargado de deseñar unha programación anual de cursos de lingua e de linguaxe galegas destinados á formación da avogacía compostelá.

O obxectivo principal desta formación é dotar a todos os letrados/as da calidade lingüística necesaria para superar con éxito as esixencias comunicativas propias deste ámbito e contribuír á vez ao proceso de normalización da lingua galega na Xustiza.

Seminario Actualización e reciclaxe da lingua galega (2010)

Listaxe de matrícula

Lugar: Colexio de Avogados de Santiago de Compostela
Días: 16, 17, 21 e 22 de xuño de 2010
Horario: de 19:45 a 22:15 h
Duración: 10 h
Matrícula: gratuíta, ata 11/06/2010 ás 14:00 h
Certificado de asistencia: si, expedido polo Colexio e Política Lingüística (+ 75%)
Dirixido a: profesionais do Dereito, con preferencia para profesionais colexiados
Prazas: 20

Programa:

1. A norma: actualización

1.1. A normativa oficial do galego. A variante estándar
1.2. Criterios para a escolla normativa
1.3. A normativa e as súas reformas
1.4. A última reforma: NOMIG 2003

2. A norma: reciclaxe

2.1. A acentuación
Regras e casos especiais
O til diacrítico

2.2. O artigo
As contraccións co artigo
O uso da primeira/segunda forma do artigo

2.3. Formación do plural
Regras de uso
Casos dubidosos

2.4. Formación do feminino
Regras de uso
Casos dubidosos

2.5. O pronome
A colocación do pronome átono
Uso das formas te e che
A contracción do pronome átono

2.6. O verbo
Tempos verbais
Principais erros nos paradigmas verbais

Para máis información, pode dirixirse ao Servizo de Asesoramento Lingüístico:

Rúa de Eduardo Pondal, 4, baixo
Teléfonos: 981 581 713 / 981 560 543
Fax: 981 581 132
Correo: linguista@icasantiago.org

Curso de linguaxe xurídica galega (nivel medio)

Listaxe de matrícula

O Servizo de Asesoramento Lingüístico do Colexio de Avogados de Santiago de Compostela organiza un curso de linguaxe xurídica galega destinado á formación da avogacía compostelá. O curso conta coa homologación oficial da Secretaría Xeral de Política Lingüística.

Lugar: aula de formación do Colexio (rúa de Eduardo Pondal, 4, baixo)
Datas: 20 de setembro a 15 de novembro
Prazas: 20
Dias: de luns a xoves
Horario: de 13:00 a 15:00 h /de 20:00 a 22:00 h (segundo a preferencia de horario)
Preinscrición: ata o 21 de maio de 2010

Para poder levar a cabo o curso é necesario contar cun mínimo de 15 persoas inscritas. Por este motivo, ábrese un prazo de preinscrición ata o día 21 de maio para que as persoas interesadas soliciten a inscrición neste curso. No caso de superar o límite de prazas (20), manterase unha lista de agarda ata o comezo do curso para cubrir posibles baixas.

Características do curso:
O curso terá unha duración de 75 horas: 60 horas lectivas, coa obrigada presenza de todo o alumnado, e 15 horas de tratamento individualizado, en que o alumnado poderá realizar actividades presenciais específicas de reforzo e/ou actividades prácticas complementarias.

Para matricularse neste curso é requisito indispensable ter aprobado ou validado o curso básico de linguaxe xurídica galega, o curso de perfeccionamento de lingua galega ou o certificado de lingua galega 4 (Celga 4). As persoas matriculadas deberán achegar unha fotocopia compulsada da certificación que acredite a superación da antedita formación no momento de comezar o curso.

A admisión neste curso farase por rigorosa orde de inscrición ata cubrir as 20 prazas dispoñibles. Terán preferencia na matrícula os/as profesionais adscritos/as ao colexio e, de ser o caso, admitaranse outros profesionais do ámbito da xustiza. O custo da matrícula é gratuíto.

Se desexa obter máis información, pode contactar co Servizo de Asesoramento Lingüístico:
Rúa de Eduardo Pondal, 4, baixo
Teléfonos: 981 581 713 / 981 560 543
Fax: 981 581 132
Correo: linguista@icasantiago.org

Seminario: Superación de interferencias gramaticais e léxicas no galego xurídico (2009)

O Servizo de Asesoramento Lingüístico do Colexio de Avogados de Santiago de Compostela organiza o seminario “Superación de interferencias gramaticais e léxicas no galego xurídico”.

Lugar: Colexio de Avogados de Santiago de Compostela
Días: 14, 15, 16 e 17 de decembro de 2009
Horario: de 19:45 a 22:15 h
Prazas: 20
Duración: 10 h
Matrícula: gratuíta
Inscrición: presentando a ficha de inscrición
Certificado de asistencia: expedido polo colexio e por Política Lingüística (asistencia mínima 75%)
Destinatarios/as: profesionais do Dereito, con preferencia para profesionais colexiados

Programa:

1. Consideracións gramaticais
1.1 O pronome
Colocación do pronome átono
O anafórico “mesmo”
O pronome indefinido na dobre negación

1.2 O verbo
Uso do pretérito de subxuntivo / antepretérito de indicativo
Uso do infinitivo conxugado e do futuro de subxuntivo

1.3 A preposición
Formas
Usos incorrectos

2. Consideracións lexicais
2.1 Erros léxicos
2.2 Erros fraseolóxicos

Obxectivos:

Reflexionar acerca da calidade lingüística dos documentos xurídicos actuais.

Adquirir de forma práctica os coñecementos esenciais para superar algúns dos erros de lingua máis frecuentes.

Contribuír a dinamizar o uso do galego a través da solvencia na formación lingüística.

Seminario: Redacción e estilo na documentación xurídica (2009)

O Servizo de Asesoramento Lingüístico do Colexio de Avogados de Santiago de Compostela organiza o seminario “Redacción e estilo na documentación xurídica”.

Lugar: Colexio de Avogados de Santiago de Compostela
Días: 5, 6, 7 e 8 de outubro de 2009
Horario: de 19:45 a 22:15 h
Prazas: 20
Duración: 10 h
Matrícula: gratuíta
Inscrición: presentando a ficha de inscrición
Certificado de asistencia: si (asistencia mínima 75%)
Destinatarios/as: profesionais do Dereito, con preferencia para profesionais colexiados

Programa:

1. Consideracións formais
1.1 Tratamento persoal
1.2 Linguaxe non sexista

2. Convencións gráficas
2.1 Abreviacións
2.2 Maiúsculas e minúsculas

3. Tratamento informativo
3.1 Ordenación
3.2 Claridade
3.3 Concisión

4. Consideracións gramaticais
4.1 Xerundio
4.2 Voz pasiva

Obxectivos:

Reflexionar acerca da calidade da redacción e do estilo dos documentos xurídicos actuais.

Adquirir de forma práctica os coñecementos esenciais para redactar documentos acordes coas convencións estilísticas modernas.

Analizar a eficacia e a adecuación de aplicar os criterios convencionais sobre redacción e estilo na práctica xurídica.

Curso de linguaxe xurídica galega. Nivel superior (2008)

Lugar: aula de formación do Colexio (rúa de Eduardo Pondal, 4, baixo)

Datas: 22 de setembro ao 11 de novembro

Días: de luns a xoves

Horario: de 20:00 a 22:00 h (este horario poderá modificarse en función das necesidades puntuais de aula)

O curso terá unha duración de 75 horas: 60 horas lectivas, coa obrigada presenza de todo o alumnado, e 15 horas de tratamento individualizado, en que o alumnado poderá realizar actividades presenciais específicas de reforzo e/ou actividades prácticas complementarias.

Para matricularse neste curso é requisito indispensable ter aprobado ou validado o curso medio de linguaxe xurídica galega. As persoas matriculadas deberán achegar unha fotocopia compulsada da certificación que acredite que teñen superado o curso medio de linguaxe xurídica galega, ou ben da correspondente validación.

Aberto o prazo de matrícula. Os/as colexiados/as e demais persoas en xeral interesadas en asistir a este curso poden formalizar a matrícula do seguinte xeito:

Descargar a ficha de inscrición (para cubrila e entregala na secretaría ou por fax)

A admisión neste curso farase por rigorosa orde de inscrición ata cubrir as 25 prazas dispoñibles. Terán preferencia na matrícula os/as profesionais adscritos/as ao Colexio de Avogados de Santiago de Compostela. O custo da matrícula é gratuíto.

Para máis información, poderá dirixirse ao Servizo de Asesoramento Lingüístico:

Rúa de Eduardo Pondal, 4, baixo
Teléfonos: 981 581 713 / 981 560 543
Fax: 981 581 132
Correo: linguista@icasantiago.org

Seminario: Modelos documentais propios do procedemento xudicial(2008)

O Servizo de Asesoramento Lingüístico do Colexio de Avogados de Santiago de Compostela organiza o seminario Modelos documentais propios do procedemento xudicial.

Lugar: Colexio de Avogados de Santiago de Compostela
Días: 16, 17, 18 e 19 de xuño de 2008
Horario: de 19:45 a 22:15 h
Prazas: 20
Duración: 10 h
Matrícula: gratuíta
Certificado de asistencia: si, expedido polo colexio e por Política Lingüística (asistencia mínima 75%)
Destinatarios/as: profesionais do Dereito, con preferencia para profesionais colexiados

Programa:

1. O modelo de documento civil
A demanda

2. O modelo de documento penal
A querela

3. O modelo de documento contencioso-administrativo
O escrito de interposición de recurso

4. O modelo de documento social
A demanda

Obxectivos:

Analizar a forma en que se redactan os distintos documentos propios do exercicio da avogacía.
Adquirir de forma práctica os coñecementos esenciais para redactar documentos acordes coas convencións estilísticas actuais.
Analizar a eficacia e a adecuación dos diferentes parámetros que interveñen na composición do documento.

Seminario Actualización e reciclaxe da lingua galega: principais cambios introducidos no texto das normas no ano 2003 (2008)

Aviso importante: modificación de datas

Debido ao alto número de solicitudes presentadas e co fin de acadar un mellor rendemento e adecuación ás instalacións dispoñibles, o seminario de actualización e reciclaxe realizarase en dúas quendas de acordo coa orde de inscrición recibida.

Grupo I: días 10, 11, 12 e 13 de marzo

Grupo II: días 24, 25, 26 e 27 de marzo

No seguinte documento (.pdf) figuran as dúas listas correspondentes aos dous grupos

Grupos seminario

Lugar: Colexio de Avogados de Santiago de Compostela
Días Grupo I: 10, 11, 12 e 13 de marzo de 2008
Días Grupo II: 24, 25, 26 e 27 de marzo de 2008
Horario: de 19:45 a 22:15 h
Duración: 10 h
Matrícula: gratuíta
Certificado de asistencia: si, expedido polo colexio (asistencia mínima 75%)
Destinatarios/as: profesionais do Dereito, con preferencia para profesionais colexiados
Inscrición: presentando o seguinte formulario cuberto

Ficha inscrición

Programa:

1. A norma: actualización

1.1. A normativa oficial do galego. A variante estándar
1.2. Criterios para a escolla normativa
1.3. A normativa e as súas reformas
1.4. Modificacións NOMIG 2003: morfoloxía
1.5. Modificacións NOMIG 2003: ortografía
1.6. Modificacións NOMIG 2003: léxico

2. A norma: reciclaxe

2.1. A acentuación
Regras e casos especiais
O til diacrítico

2.2. O artigo
As contraccións co artigo
O uso da primeira/segunda forma do artigo

2.3. Formación do plural
Regras de uso
Casos dubidosos

2.4. Formación do feminino
Regras de uso
Casos dubidosos

2.5. O pronome
A colocación do pronome átono
Uso das formas te e che
A contracción do pronome átono

2.6. O verbo
Tempos verbais
Principais erros nos paradigmas verbais

Para máis información, pode dirixirse ao Servizo de Asesoramento Lingüístico:

Rúa de Eduardo Pondal, 4, baixo
Teléfonos: 981 581 713 / 981 560 543
Fax: 981 581 132
Correo: linguista@icasantiago.org

Tratamento de datos persoais

— Seminario de actualización e reciclaxe

Carlos — 2009-06-04T10:56:00Z

Seminario Actualización e reciclaxe da lingua galega (2010)

Lugar: Colexio de Avogados de Santiago de Compostela
Días: 16, 17, 21 e 22 de xuño de 2010
Horario: de 19:45 a 22:15 h
Duración: 10 h
Matrícula: gratuíta, ata o 11/06/2010 ás 14:00 h
Certificado de asistencia: si, expedido polo Colexio e Política Lingüística (+ 75%)
Dirixido a: profesionais do Dereito, con preferencia para profesionais colexiados
Prazas: 20

Programa:

1. A norma: actualización

1.1. A normativa oficial do galego. A variante estándar
1.2. Criterios para a escolla normativa
1.3. A normativa e as súas reformas
1.4. A última reforma: NOMIG 2003

2. A norma: reciclaxe

2.1. A acentuación
Regras e casos especiais
O til diacrítico

2.2. O artigo
As contraccións co artigo
O uso da primeira/segunda forma do artigo

2.3. Formación do plural
Regras de uso
Casos dubidosos

2.4. Formación do feminino
Regras de uso
Casos dubidosos

2.5. O pronome
A colocación do pronome átono
Uso das formas te e che
A contracción do pronome átono

2.6. O verbo
Tempos verbais
Principais erros nos paradigmas verbais

Para máis información, pode dirixirse ao Servizo de Asesoramento Lingüístico:

Rúa de Eduardo Pondal, 4, baixo
Teléfonos: 981 581 713 / 981 560 543
Fax: 981 581 132
Correo: linguista@icasantiago.org

— Curso de linguaxe xurídica

Carlos — 2009-06-03T10:59:00Z

Curso de linguaxe xurídica galega (nivel medio)

Listaxe de matrícula

Lugar: aula de formación do Colexio (rúa de Eduardo Pondal, 4, baixo)
Datas: 20 de setembro a 15 de novembro
Prazas: 20
Dias: de luns a xoves
Horario: de 13:00 a 15:00 h /de 20:00 a 22:00 h (segundo a preferencia de horario)
Preinscrición: ata o 21 de maio de 2010