Circular informativa 07/2021
Contratación dun novo servizo para colexiados/as: Plataforma VLex TV de vídeos e webinarios exclusivos para a avogacía
O Colexio da Avogacía de Santiago de Compostela contratou coa editorial xurídica vLex os servizos da nova plataforma vLex TV (webnarios), que permitirá o acceso ilimitado a todos os colexiados e colexiadas a esta nova ferramenta de formación en liña. A plataforma ofrece contidos audiovisuais producidos pola editorial coa colaboración dos mellores expertos de cada área do dereito. Os vídeos e webinarios tratan temas de máxima actualidade e ademais ofrecen para a descarga un amplo dossier con toda a documentación relacionada (lexislación, xurisprudencia, doutrina, formularios etc).
